01 Empecei a traballar aos doce anos. Habia en Lugo dous cantóns

Un, de cantería, e o outro de area. Por un, paseaban os ricos, e polo outro os pobres.. Ía moito ao Centro obreiro do Campo Castelo, a escoitar. Meu pai era republicano, e parece que aquela semente agromou nos ideais.

02 Daquela o Partido Socialista tiña unha agrupación ben organizada, algún concelleiro e militantes que traballaban polo partido

Nunca quixen ter cargos políticos, si as delegacións dos congresos, cargos na organización… Fun secretario durante cincuenta e tantos anos.

03 No 36 tiven que fuxir, e pasei escondido catorce anos, ata 1950

No 34 os que estivemos implicados na Revolución de Asturias fomos ao cárcere. Era revolucionario en organizar a xente, que votase, militase nos partidos… Nunca empuñei un arma nin xogando.

04 Persoalmente, non espero nada. Politicamente, a maior satisfacción é que a xente vexa que sabemos gobernar

Ser Senador recompénsame todos os esforzos realizados na miña vida política. Cando os compañeiros mo digan, vou para a casa, coa satisfacción de ter servido ao partido e ao país, con todo o esforzo que puiden facer.

05 Imos ben

Xa non agora; de xove, dicía o mesmo: Entre algunhas repúblicas que hai por aí, e monarquías serias como Inglaterra, Holanda e Bélxica, a elección non é dubidosa. Unha monarquía que sirva aos interese do país, hai que respectala. Mentres a monarquía sexa beneficiosa, e o pobo a vote, eu respectareina.