01 Son un home conforme co seu destino
A noción de xustiza é superior á do dereito. O dereito é un instrumento porque o obxecto do dereito é lograr a xustiza.
02 Galicia non estaba pola dictadura, nin pola de Primo de Rivera nin por outras. Sufriunas, pero nunca as quixo
Vía moi ben a República, que foi devorada polos elementos que pretendían defendela. Foi recibida cunha expectación hospitalaria por todos, e implantouse en España como unha necesidade histórica.
03 A Lei de Responsabilidades Políticas de Serrano Suñer produciume unha das maiores repugnancias
Esas Leis persecutorias eu non as concibo en política nin noutra cousa. Hai un dereito bo e un dereito retorcido e malo.
04 Moitos quedaron no camiño. Teño que recordalos, porque estou aquí, e eles merecían estar
Os Colexios de Avogados teñen o gran mérito de que cando non se podía falar, nos Colexios falábase e protestábase. Sempre estiveron fronte a toda clase de ditaduras.
05 A Lei é un dereito e unha luz na escuridade. Un mal dereito é un crime colectivo
Nas ditaduras non hai avogados. Ser avogado é unha profesión, pero tamén é un apostolado. É o termómetro que dá idea da existencia das liberdades e da xustiza que hai nun pobo.
Non son nada pesimista. Son optimista. Primeiro porque hai unha cousa que facer e despois porque pode facerse.
Nacín co século, o 1 de xaneiro de 1901. E teño o compromiso de estar aquí mentres o século exista. [Faleceu en 1989]
Eu non tiña máis patrimonio ca o meu traballo. Eu atendino ben, e el atendeume a min.
O primeiro artigo que se escribiu contra a pena de morte foi un artigo meu na Voz de Galicia. E o primeiro sobre a tortura, tamén foi un artigo meu.
A soberanía é xurisdición, poder facer leis e facelas cumprir. Os concellos son soberanos na súa función.
Eu vexo moi ben a Galicia, incluso nos seus momentos febrís. Ten as posibilidades e as realidades que precisa para cumprir coa súa misión.
12/07/1985